പയ്യന്നൂര്‍: കണ്ണൂര്‍ സര്‍വകലാശാല വിദൂര വിദ്യാഭ്യാസ കലോത്സവം ഗവ.ഗേള്‍സ് ഹയര്‍ സെക്കന്‍ഡറി സ്‌കൂളില്‍ ആരംഭിച്ചു. അഞ്ച് സോണുകളില്‍ നിന്നായി അയ്യായിരത്തോളം കലാപ്രതിഭകളാണ് മാറ്റുരയ്ക്കുന്നത്. യൂ നിവേഴ്‌സിറ്റി വൈസ് ചാന്‍സലര്‍ ഡോ. എം.കെ അബ്ദുല്‍ ഖാദര്‍ ഉദ്ഘാടനം ചെയ്തു. കെ.എന്‍ രാധാകൃഷ്ണന്‍ അധ്യക്ഷനായി. എം.സി രാജു, പി.ടി മൊയ്തീന്‍ കുട്ടി, പി.പി ദാമോദരന്‍, യു നാരായണന്‍, രാജേഷ് പാലങ്ങാട്ട് സംസാരിച്ചു.
സമാപന ദിവസമായ ഇന്ന് 13 ഇനങ്ങളില്‍ മത്സരം നടക്കും. സമാപന സമ്മേളനം സി കൃഷ്ണന്‍ എം.എല്‍.എ ഉദ്ഘാടനം ചെയ്യും. വി.പി.പി മുസ്തഫ സമ്മാന വിതരണം നടത്തും.