കോഴിക്കോട്: ഇന്ത്യയില്‍ ഇന്നും മുസ്‌ലിം വിഭാഗം അനുഭവിക്കുന്ന പ്രശ്‌നങ്ങള്‍ ചെറുക്കാന്‍ ഗാന്ധിയന്‍ ആശയങ്ങള്‍ക്കാകുമെന്ന് പ്രശസ്ത ഇന്ത്യന്‍ എഴുത്തുകാരന്‍ രാമചന്ദ്ര ഗുഹ. കേരള സാഹിത്യോത്സവത്തില്‍ ആധുനിക ഇന്ത്യയുടെ ശില്‍പികള്‍ എന്ന വിഷയത്തില്‍ സംസാരിക്കുകയായിരുന്നു അദ്ദേഹം.

ചരിത്രം ഭൗതിക ശാസ്ത്രമോ ഗണിത ശാസ്ത്രമോ അല്ല, സമൂഹവും സാഹിത്യവുമായി ബന്ധപെട്ടതാണ്.
ലോകോത്തരമായി ഇത്രത്തോളം സ്വീകാര്യത ഉണ്ടെങ്കില്‍ കൂടി ഇന്ത്യയില്‍ കേവലം സ്വച്ഛ് ഭാരതത്തില്‍ മാത്രമേ ഗാന്ധിയെ പ്രതിപാധിക്കുന്നുള്ളൂ എന്ന് അദ്ദേഹം പറഞ്ഞു. ഗാന്ധിയുടെ റോള്‍മോഡല്‍ ആരായിരുന്നു എന്ന പ്രേക്ഷകന്റെ ചോദ്യത്തിന് ഗോപാല കൃഷ്ണ ഗോഖലെ, ടോള്‍സ്റ്റോയ് എന്നിവരാണെന്ന് അദ്ദേഹം പറഞ്ഞു. ഷാജഹാന്‍ മാടമ്പാട്ടുമായായിരുന്നു ചര്‍ച്ച.