നാഗ്പൂര്‍: മഹാരാഷ്ട്രയിലെ നാഗ്പൂരില്‍ ക്രൂരപീഡനത്തിനിരയായ 19കാരി ആശുപത്രിയില്‍. സംഭവത്തില്‍ പ്രതി യോഗിലാലി (52)നെ പൊലിസ് അറസ്റ്റ് ചെയ്തിട്ടുണ്ട്.
ജനുവരി 21നായിരുന്നു കേസിനാസ്പദമായ സംഭവം. സഹോദരനും മറ്റൊരു യുവതിക്കുമൊപ്പം ജീവിക്കുന്ന പെണ്‍കുട്ടിയാണ് ക്രൂരപീഡനത്തിനിരയായത്. പെണ്‍കുട്ടിയുടെ സ്വകാര്യഭാഗത്ത് ഇരുമ്പുകമ്പികൊണ്ട് ഉപദ്രവിച്ചതായും ആശുപത്രിയിലുള്ള പെണ്‍കുട്ടി സുഖംപ്രാപിക്കുന്നതായും പൊലിസ് വ്യക്തമാക്കി.
പെണ്‍കുട്ടിയുടെ വീട്ടിനടുത്തുള്ള സ്പിന്നിങ് മില്ലില്‍ സൂപ്പര്‍വൈസറായി ജോലിചെയ്യുന്ന പ്രതി, വീട്ടില്‍ പെണ്‍കുട്ടി ഒറ്റക്കായപ്പോള്‍ ബലാല്‍ക്കാരമായി പീഡിപ്പിക്കുകയായിരുന്നു.
എതിര്‍ത്തതോടെ ഇയാള്‍ വായില്‍ തുണിതിരുകി ക്രൂരമായ പീഡനത്തിനിരയാക്കിയെന്നാണ് റിപ്പോര്‍ട്ട്. ആദ്യം സംഭവം പുറത്തുപറയാതിരുന്ന കുട്ടി കഴിഞ്ഞ ദിവസം സഹോദരനോട് സംഭവം വെളിപ്പെടുത്തിയതോടെ ഇയാള്‍ പൊലിസിനെ സമീപിക്കുകയായിരുന്നു.