മട്ടാഞ്ചേരി: അര നൂറ്റാണ്ടിലേറെ പഴക്കമുള്ള മട്ടാഞ്ചേരി കൊച്ചിന്‍ മഹിളാസമാജം കെട്ടിടത്തിന്റെ മേല്‍ക്കൂര മഴയത്ത് ഇടിഞ്ഞു വീണു. ഇന്നലെ ഉച്ചയ്ക്ക് പെയ്ത മഴയിലാണ് സമാജത്തിന്റെ  തെക്ക് വശത്തെ  കെട്ടിടത്തിന്റെ ഒന്നാം നിലയുടെ മേല്‍ക്കുര തകര്‍ന്ന് വീണത്.
പെണ്‍കുട്ടികള്‍ താമസിക്കുന്ന മുറിയാണ് തകര്‍ന്നതെങ്കിലും അളപായമുണ്ടായില്ല. താമസിക്കുന്നവര്‍ വിലാപയാത്ര കാണുവാന്‍ പുറത്തിറങ്ങിയ വേളയിലാണ് പ്രധാന കഴുക്കോല്‍ തകര്‍ന്ന് മേല്‍ക്കുര നിലം പതിച്ചത്. കെട്ടിടത്തിന് സമീപത്തുള്ള നടപാതയിലും തകര്‍ന്ന കെട്ടിടവ ശിഷ്ടങ്ങള്‍ വീണുവെങ്കിലും അപകടം ഒഴിവായി.
 മട്ടാഞ്ചേരി ഫയര്‍ യുനിറ്റും പൊലിസും എത്തി നാട്ടുകാരുടെ സഹായത്തോടെ തകര്‍ന്ന കെട്ടിടാവശിഷ്ടങ്ങള്‍ നീക്കം ചെയ്തു.