മണ്ണാര്‍ക്കാട്: സ്റ്റുഡന്‍സ് പൊലിസ് കേഡറ്റ് പാസിങ് ഔട്ട് പരേഡില്‍ 132 വിദ്യാര്‍ഥികള്‍ കേഡറ്റുകളായി. പൊറ്റശ്ശേരി ജി.എച്ച്.എസ്.എസില്‍ നടന്ന ചടങ്ങില്‍ മണ്ണാര്‍ക്കാട് എം.എല്‍.എ അഡ്വ.എന് ഷംസുദ്ദീന്‍ എം.എല്‍.എ സലൂട്ട് സ്വീകരിച്ചു. ബ്ലോക്ക് പഞ്ചായത്ത് പ്രസിഡന്റ് കെ.പി മൊയ്തു, കാഞ്ഞിരപ്പുഴ ഗ്രാമപഞ്ചായത്ത് പ്രസിഡന്റ് ഷംസുദ്ദീന്‍, ഷൊര്‍ണൂര്‍ ഡി.വൈ.എസ്.പി സൈതാലി, സി.ഐമാരായ ഹിദായത്തുല്ല മാമ്പ്ര, ദീപക് കുമാര്‍, അധ്യാപകരായ എസ്. പ്രേമാനന്ദന്‍, വി.മുഹമ്മദ് എന്നിവര്‍ പങ്കെടുത്തു. ചടങ്ങില്‍ ദീപു കൃഷ്ണ, ദീപ്ത കൃഷ്ണ എന്നിവര്‍ക്ക് നിര്‍മിച്ചുനല്‍കുന്ന സ്‌നേഹ വീടിന്റെ താക്കോല്‍ദാനവും നടന്നു.
ജൂനിയര്‍ ഇന്ത്യന്‍ വോളിബോള്‍ ടീമിലേക്ക് തിരഞ്ഞെടുക്കപ്പെട്ട എസ്. സുരമ്യ, കോച്ച് ടോമി മാളിയേക്കല്‍, ബുഷറ ബീഗം എന്നിവരെ ആദരിച്ചു. പൊറ്റശ്ശേരി ജി.എച്ച്.എസ്.എസ്, വടശ്ശേരിപ്പുറം ജി.എച്ച്.എസ്, കരിമ്പുഴ എച്ച്.എസ്.എസ് എന്നീ സ്‌കൂളുകളിലെ വിദ്യാര്‍ഥികളാണ് പരേഡില്‍ പങ്കെടുത്തത്.