കോട്ടയം: സി.എം.എസ് കോളജ് ദ്വിശതാബ്ദി സ്മാരകമായി സംഘടിപ്പിക്കുന്ന വാര്‍ഷിക നാടകാവിഷ്‌ക്കാരത്തിന് ആരംഭം കുറിച്ച് ഫെഡറികോ ലോര്‍ക്കയുടെ സ്പാനിഷ്  കൃതി യെര്‍മയുടെ ഇഗ്ലീഷ് വിവര്‍ത്തനം അരങ്ങിലെത്തുന്നു.  പ്രിന്‍സിപ്പല്‍ ഡോ. റോയി സാം ഡാനിയേല്‍, ജ്യോതിര്‍മതി കുറുപ്പ് എന്നിവര്‍ വാര്‍ത്താസമ്മേളനത്തില്‍ നാടകത്തെ കുറിച്ച് വിശദാംശങ്ങള്‍ നല്‍കി.
വിധിയുടെ വിളയാട്ടങ്ങള്‍ക്കും കുടുംബത്തിന്റെയും സമൂഹത്തിന്റെയും കുത്തുവാക്കുകള്‍ക്കും ഇടയില്‍ വ്യക്തിത്വം തിരിച്ചറിയാന്‍ കടുത്ത തീരുമാനങ്ങളിലേക്ക് വലിച്ചെറിയപ്പെടുന്ന യൗവന സ്ത്രീത്വത്തിന്റെ കഥയാണ് യെര്‍മ പറയുന്നത്. ജ്യോതിര്‍മതി കുറുപ്പ് സംവിധാനം ചെയ്യുന്ന നാടകത്തിലെ അഭിനേതാക്കള്‍ കോളജിലെ വിദ്യാര്‍ഥികള്‍ തന്നെയാണ്. മാര്‍ച്ച് ഒന്ന്, മൂന്ന് തിയതികളില്‍ വൈകിട്ട് ആറിനും വിദ്യാര്‍ഥികള്‍ക്കുള്ള പ്രദര്‍ശനം രണ്ടിന് ഉച്ചകഴിഞ്ഞ് മൂന്നിനും കോളജ് ഗ്രേറ്റ് ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.