ഹാമില്‍റ്റണ്‍: ടി20 പരമ്പരയിലെ മികവ് ആവര്‍ത്തിക്കാന്‍ കഴിയാതെ ടീം ഇന്ത്യ. ഇന്നലെ ന്യൂസിലന്‍ഡുമായി നടന്ന ആദ്യ ഏകദിനത്തില്‍ ഇന്ത്യക്ക് നാല് വിക്കറ്റിന്റെ തോല്‍വി വഴങ്ങേണ്ടി വന്നു. 347 റണ്‍സെന്ന വമ്പന്‍ സ്‌കോര്‍ പടുത്തുയര്‍ത്തിയിട്ടും കോലിപ്പടയെ കാഴ്ചക്കാരാക്കി കിവീസ് നാലു വിക്കറ്റിനു ജയിച്ചു കയറുകയായിരുന്നു. അഞ്ചു പന്തുകളും നാലു വിക്കറ്റുകളും ബാക്കിനില്‍ക്കെയാണ് ന്യൂസിലാന്‍ഡിന്റെ വിജയം. ഇതോടെ മൂന്നു മല്‍സരങ്ങളുടെ പരമ്പരയില്‍ ന്യൂസിലാന്‍ഡ് 1-0നു മുന്നിലെത്തുകയും ചെയ്തു. ആദ്യം ബാറ്റ് ചെയ്ത ഇന്ത്യ 347 റണ്‍സ് അടിച്ചെടുത്തപ്പോള്‍ ന്യൂസിലാന്‍ഡ് ഇന്ത്യയുടെ റണ്‍സ് ചേസ് ചെയ്യുമെന്ന് പ്രതീക്ഷിച്ചിരുന്നില്ല. എന്നാല്‍ റോസ് ടെയ്‌ലറുടെ (109*) 21-ാം ഏകദിന സെഞ്ചുറിയും ഹെന്റി നിക്കോള്‍സ് (78), നായകന്‍ ടോം ലാതം (69) എന്നിവരുടെ അര്‍ധ സെഞ്ചുറികളും കിവീസിനെ അവിസ്മരണീയ ജയത്തിലേക്കു നയിക്കുകയായിരുന്നു. 84 പന്തില്‍ 10 ബൗണ്ട@റികളും നാലു സിക്‌സറുമടക്കമാണ് ടെയ്‌ലര്‍ കിവികളുടെ വിജയത്തിന്റെ ചുക്കാന്‍ പിടിച്ചത്. നാലാം വിക്കറ്റില്‍ ടെയ്‌ലര്‍ ലാതം സഖ്യം ചേര്‍ന്നെടുത്ത 138 റണ്‍സാണ് മല്‍സരം ന്യൂസിലാന്‍ഡിന്റെ വരുതിയിലാക്കിയത്.

ടോസ് നഷ്ടപ്പെട്ട് ബാറ്റിങിനയക്കപ്പെട്ട ഇന്ത്യ നാലു വിക്കറ്റിനാണ് 347 റണ്‍സെന്ന മികച്ച സ്‌കോര്‍ പടുത്തുയര്‍ത്തിയത്. ശ്രേയസ് അയ്യരുടെ (103) സെഞ്ചുറിയും ലോകേഷ് രാഹുല്‍ (88*), വിരാട് കോഹ്‌ലി (51) എന്നിവരുടെ അര്‍ധ സെഞ്ചുറികളുമാണ് ഇന്ത്യയെ വന്‍ സ്‌കോറിലെത്തിച്ചത്. കരിയറിലെ ആദ്യ ഏകദിന സെഞ്ചുറിയാണ് ശ്രേയസ് നേടിയത്. 107 പന്തില്‍ 11 ബൗണ്ട@റികളും ഒരു സിക്‌സറും താരത്തിന്റെ ഇന്നിങ്‌സിലുണ്ട@ായിരുന്നു. 64 പന്തിലാണ് ആറു സിക്‌സറും മൂന്നു ബൗണ്ട@റികളുമടക്കം രാഹുല്‍ 88 റണ്‍സ് വാരിക്കൂട്ടിയത്. കോഹ്‌ലി 63 പന്തിലാണ് ആറു ബൗണ്ട@റികളോടെ 51 റണ്‍സെടുത്തത്.
ഓപ്പണര്‍മാരുമായ മായങ്ക് അഗര്‍വാള്‍ (32), പൃഥ്വി ഷാ (20) എന്നിവരാണ് പുറത്തായ മറ്റു താരങ്ങള്‍. 15 പന്തില്‍ മൂന്നു ബൗണ്ട@റികളും ഒരു സിക്‌സറുമടക്കം 26 റണ്‍സെടുത്ത കേദാര്‍ യാദവ് രാഹുലിനൊപ്പം പുറത്താവാതെ നിന്നു.

ന്യൂസിലാന്‍ഡിനു വേ@ണ്ടി ടിം സോത്തി രണ്ട@ു വിക്കറ്റ് വീഴ്ത്തിയപ്പോള്‍ കോളിന്‍ ഡി ഗ്രാന്‍ഡോം, ഇഷ് സോധി എന്നിവര്‍ ഓരോ വിക്കറ്റ് വീതം നേടി. ഇന്ത്യയുടെ പുതിയ ഓപ്പണിങ് സഖ്യവും മായങ്കും പൃഥ്വിയും ചേര്‍ന്ന് മികച്ച തുടക്കമാണ് നല്‍കിയത്. ആദ്യ വിക്കറ്റില്‍ ഇരുവരും ചേര്‍ന്ന് 50 റണ്‍സിന്റെ കൂട്ടുകെട്ടുണ്ട@ാക്കി. ന്യൂസിലന്‍ഡ് ക്യാപ്റ്റന്‍ കെയിന്‍ വില്യംസണ്‍ ഇല്ലാതെയായിരുന്നു കിവികള്‍ ഇറങ്ങിയത്. ടി20യിലെ തോല്‍വി കാരണം മുന്‍നിര താരങ്ങളെയെല്ലാം പുറത്തിരുത്തിയായിരുന്നു ന്യൂസിലന്‍ഡ് ടീം പ്രഖ്യാപിച്ചത്.