ബത്തേരി(വയനാട്): തേലംപറ്റ ജനവാസ കേന്ദ്രത്തില്‍ ഇറങ്ങിയ കടുവ വനം വകുപ്പ് സ്ഥാപിച്ച കൂട്ടില്‍ കുടുങ്ങി. ചൊവ്വാഴ്ച രാത്രി 11 മണിയോടെയാണ് കടുവ കൂട്ടില്‍ അകപ്പെട്ടത്.

തുടര്‍ന്ന് കടുവയെ ബത്തേരി വന്യജിവി സങ്കേതം മേധാവിയുടെ ഓഫിസ് കോമ്പൗണ്ടിലേക്ക് മാറ്റി. പത്ത് വയസ്സുള്ള പെണ്‍കടുവയാണ് കൂട്ടിലകപ്പെട്ടത്. കടുവയുടെ നാലു പല്ലുകള്‍ നഷ്ടപ്പെട്ടതായും ഇതായിരിക്കും ജനവാസ കേന്ദ്രത്തില്‍ ഇറങ്ങി വളര്‍ത്തുമൃഗങ്ങളെ പിടികൂടാന്‍ കാരണമെന്നുമാണ് വനം വകുപ്പിന്റെ നിഗമനം.

കടുവയെ തിരുവനന്തപുരം മൃഗസംരക്ഷണ കേന്ദ്രത്തിലേക്ക് മാറ്റാനാണ് തീരുമാനം. ചൊവ്വാഴ്ച തേലംപറ്റ ജനവാസ കേന്ദ്രത്തില്‍ ഇറങ്ങിയ കടുവ ഒരു പശുവിനെ കടിച്ചു കൊല്ലുകയും മറ്റൊന്നിനെ പരുക്കേല്‍പ്പിക്കുകയും ചെയ്തിരുന്നു.