ദമസ്‌കസ്: വടക്കന്‍ സിറിയയിലുണ്ടായ സ്‌ഫോടനത്തില്‍ യു.എസ് സൈനികര്‍ ഉള്‍പ്പെടെ നിരവധി പേര്‍ മരിച്ചു. മംമ്പിജ് നഗരത്തില്‍ പെട്രോളിങ് നടത്തുന്നതിനിടെയാണ് സ്‌ഫോടനമുണ്ടായത്. സൈനികര്‍ കൊല്ലപ്പെട്ടെന്ന കാര്യം യു.എസ് ട്വിറ്ററിലൂടെ സ്ഥരീകരിച്ചു. ആക്രമണത്തില്‍ നിരവധി സിവിലിയന്മാര്‍ കൊല്ലപ്പെട്ടെന്ന് യു.കെ അടിസ്ഥാനമാക്കിയുള്ള മനുഷ്യാവകാശ സംഘടന പറഞ്ഞു.
എന്നാല്‍ മരണ നിരക്ക് സംബന്ധിച്ചുള്ള വിവരം പുറത്തുവന്നിട്ടില്ല. ആക്രമണത്തിന്റെ ഉത്തരവാദിത്വം ഐ.എസ് ഏറ്റെടുത്തു.
ആക്രമണത്തില്‍ പരുക്കേറ്റ യു.എസ് സൈനികരെ ഹെലികോപ്റ്റര്‍ മാര്‍ഗത്തില്‍ ആശുപത്രിയിലേക്കു മാറ്റിയെന്ന് തുര്‍ക്കി മാധ്യമമായ അന്‍ഡോലു റിപ്പോട്ട് ചെയ്തു.
സിറിയയില്‍നിന്ന് യു.എസ് സൈന്യത്തെ പിന്‍വലിക്കുന്നതിനുള്ള ശ്രമങ്ങള്‍ ആരംഭിച്ചതിന് പിന്നാലെയാണ് ആക്രമണം. 2000 സൈനികരെയാണ് പിന്‍വലിക്കുന്നത്.