തിരുവനന്തപുരം: മലയാളം ഉള്ളിടത്തോളം കാലം കമലസുരയ്യയെ മലയാളികള്‍ മറക്കില്ലെന്ന് സാംസ്‌ക്കാരിക മന്ത്രി എ.കെ. ബാലന്‍. കേരള കലാകേന്ദ്രം സംഘടിപ്പിച്ച സ്‌നേഹപൂര്‍വ്വം കമലാ സുരയ്യയ്ക്ക് സ്മരാണഞ്ജലി എന്ന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.നവാഗത എഴുത്തുകാര്‍ക്കായി കേരള കലാകേന്ദ്രം സംഘടിപ്പിക്കുന്ന അഞ്ചാമത് കമലാ സുരയ്യ ചെറുകഥാ അവാര്‍ഡ് ഷാഹിന കെ. റഫീഖിന് മന്ത്രി നല്‍കി. ശ്രീനന്ദിനി, ഹര്‍ഷ മോഹന്‍ സജിന്‍ എന്നിവര്‍ക്ക് സ്‌പെഷ്യല്‍ ജൂറി അവാര്‍ഡുകളും നല്‍കി. ഇന്‍ഫര്‍മേഷന്‍ വകുപ്പും, നിംസ് മെഡിസിറ്റിയും സംയുക്തമായി സംഘടിപ്പിച്ച പരിപാടിയില്‍ ഡോ. ഡി ബാബുപോള്‍ അധ്യക്ഷനായി. ഡോ. ജോര്‍ജ് ഓണക്കൂര്‍, എം.എസ്. ഫൈസല്‍ഖാന്‍ തുടങ്ങിയവര്‍ പങ്കെടുത്തു.