കോങ്ങാട്: ആക്രിസാധനങ്ങള്‍ക്കിടയില്‍നിന്ന് ലഭിച്ച ഒറിജിനല്‍ ആധാര്‍കാര്‍ഡും, ബാങ്ക് പാസ് ബുക്കും ഉടമസ്തനെ കണ്ടെത്തി കടയുടമ വീട്ടിലെത്തിച്ചു മാതൃകയായി. മണ്ണൂര്‍ സ്വദേശിയും ആക്രിക്കച്ചവടക്കാരനുമായ മജീദാണ് ജോലിത്തിരക്കിനിടയിലും യുവാക്കള്‍ക്കു മാതൃകയാകുന്ന പ്രവൃത്തി ചെയ്തത്. കോങ്ങാട് ചല്ലിക്കലില്‍ എം.എന്‍ നിവാസില്‍ ബാലകൃഷ്ണന്റെ രേഖകളാണ് മജീദിന് ലഭിച്ചിരുന്നത്.
മജീദിന് ആക്രിസാധനങ്ങളോടൊപ്പം ലഭിച്ച നാലുപവന്റെ സ്വര്‍ണ്ണമാല ഉടമയെ കണ്ടെത്തി തിരികെ ഏല്‍പ്പിച്ചത് ഈയടുത്താണ്.
ആക്രിക്കച്ചവടവും കിണര്‍ വൃത്തിയാക്കിയും ലഭിക്കുന്ന തുച്ഛമായ വരുമാനം കൊണ്ട് ജീവിക്കുന്ന മജീദിന് അര്‍ഹിക്കാത്ത ഒന്നും തനിക്കൊ തന്റെ കുടുംബത്തിലൊ കയറ്റില്ലെന്ന ദൃഢനിശ്ചയമാണുള്ളത്.
യൂത്ത്‌കോണ്‍ഗ്രസ് പ്രവര്‍ത്തകനായ മജീദിനൊപ്പം സംസ്ഥാന സമിതിയംഗം എസ്.ജെ.എന്‍ നജീബ്, പി.എം. ഇഖ്ബാല്‍, സി.എന്‍ ശിവദാസന്‍ എന്നിവരും രേഖകള്‍ തിരിച്ചേല്‍പിക്കുന്ന ചടങ്ങിന് സാക്ഷിയാകാന്‍ ചല്ലിക്കലിലെ ബാലകൃഷ്ണന്റെ വീട്ടില്‍ലെത്തി.