മുംബൈ: പൗരത്വ നിയമ ഭേദഗതിക്കും (സി.എ.എ) എന്‍.പി.ആറിനും എതിരെ മുംബൈ ആസാദ് മൈതാനില്‍ കൂറ്റന്‍ പ്രതിഷേധ സംഗമം. പ്രധാനമന്ത്രി നരേന്ദ്ര മോദിക്കും ആഭ്യന്തര മന്ത്രി അമിത്ഷായ്ക്കും എതിരെ മുദ്രാവാക്യങ്ങള്‍ വിളിച്ചാണ് കൂടിയവര്‍ പ്രതിഷേധിച്ചത്. വിഖ്യാത ഉര്‍ദു കവി ഫൈസ് അഹമ്മദ് ഫൈസിന്റെ 'ഹം ദേഖേങ്കെ' എന്ന കവിതയും ഒത്തുകൂടിയവര്‍ ആലപിച്ചു.

സി.എ.എ വിരുദ്ധ ദേശീയ സഖ്യത്തിന്റെ മഹാരാഷ്ട്ര ഘടകമാണ് 'മഹാ മോര്‍ച്ച' എന്ന പേരില്‍ പരിപാടി സംഘടിപ്പിച്ചത്. മുംബൈയിലെയും നവി മുംബൈയിലെയും ആയിരക്കണക്കിന് പേര്‍ സംഗമത്തില്‍ പങ്കെടുത്തു.