ചാലക്കുടി: ചാലക്കുടി പുഴയില്‍ നിന്നും കാതിക്കുടം നിറ്റാജലാറ്റിന്‍ കമ്പനിക്ക് വെള്ളമെടുക്കാനുള്ള അനുമതിക്കെതിരേ കോടതിയില്‍ നിന്നും സ്റ്റേ ലഭിച്ചു.
വ്യവസായ വകുപ്പ് മന്ത്രിയുടെ അധ്യക്ഷതയില്‍ തിരുവനന്തപുരത്ത് നടത്തിയ ബന്ധപ്പെട്ടവരുടെ യോഗത്തിലാണ് കമ്പനിയുടെ പ്രവര്‍ത്തിനാവശ്യമായ വെള്ളം പുഴയില്‍ നിന്നുമെടുക്കാന്‍ അനുമതി നല്‍കിയത്. ഇതിനെതിരേ അന്നനാട് മേലേടത്ത് ബെന്നി, കാതിക്കുടം എളാട്ട് സുധന്‍ എന്നിവരാണ് കോടതിയെ സമീപിച്ചത്. ഇതിലാണ് അനുമതി സ്റ്റേ ചെയ്തുകൊണ്ട് കോടതി ഉത്തരവായത്. പുഴയില്‍ നിന്നും തോട് കീറി വെള്ളമെത്തിക്കാന്‍ ജലസേചന വകുപ്പിന് നിര്‍ദേശം നല്‍കിയ നടപടിയില്‍ കാതിക്കുടം ആക്ഷണ്‍ കൗണ്‍സില്‍ പ്രതിഷേധിച്ചു.