റിയാദ്: പ്രവാസികൾ വിയർപ്പൊഴുക്കി അധ്വാനിക്കുന്നതിന്റെ ഗുണഫലം അനുഭവിക്കുന്നത് കേരളമാണെന്ന് കവിയും ഗാനരചയിതാവുമായ അനിൽ പനച്ചൂരാൻ പറഞ്ഞു. . റിയാദ് നവോദയയുടെ പത്താം വാർഷികാഘോഷമായ ദശോത്സവം സീസൺ 2 ഉദ്‌ഘാടനം ചെയ്തു സംസാരിക്കുകയായിരുന്നു അദ്ദേഹം. ഒരുപാട് കലാകാരന്മാരും പ്രതിഭാധനരും പ്രവാസ ഭൂമിയിൽ ജീവിക്കുന്നുണ്ട്, അവരുടെ അഭാവം കേരളം നേരിടുന്ന നഷ്ടം കൂടിയാണെന്ന് അദ്ദേഹം അഭിപ്രായപ്പെട്ടു.  പ്രസിഡൻറ് ബാലകൃഷ്ണൻ അധ്യക്ഷനായിരുന്നു. സെക്രട്ടറി രവീന്ദ്രൻ സംഘടനയുടെ റിപ്പോർട്ട് അവതരിപ്പിച്ചു.  ബാബുജി, വിക്രമലാൽ, അഷ്‌റഫ് വടക്കേവിള, സത്താർ കായംകുളം, ജയൻ കൊടുങ്ങല്ലൂർ, അഡ്വ. അജിത്, സലിം കളക്കര, ജോസഫ് അതിരുങ്കൽ, നെബു വർഗ്ഗീസ്, യഹിയ സഫാമക്ക, ഷാജു വാളപ്പൻ , സബീന എം സാലി സംസാരിച്ചു

പിന്നണി ഗായകൻ കൊല്ലം അഭിജിത്തിന്റെ നേതൃത്വത്തിൽ ഗാനമേളയിൽ  ആർ എം സിയിലെ ഗായകസംഘവും ഒത്തു ചേർന്നു.  സുരേഷ് സോമൻ വീഡിയോ പ്രൊഫൈൽ അവതരിപ്പിച്ചു.
അനിൽ പിരപ്പൻകോട്, അഞ്ജു സജിൻ അതിഥികൾക്കുള്ള ഉപഹാരങ്ങൾ കൈമാറി. നവോദയ ലോഗോ ഡിസൈൻ ചെയ്ത സുനിൽ വേളാവൂരിന്‌ (ബഹ്‌റൈൻ) ഉപഹാരം നൽകി. "പ്രൗഡ് റ്റു ബി ആൻ ഇന്ത്യൻ" ക്വിസ് മത്സരത്തിൽ വിജയിച്ച നവോദയ കുടുംബവേദി വിദ്യാർത്ഥി മുഹമ്മദ് അക്മൽ ആരിഫിനെ ആദരിച്ചു.
അനാഥൻ എന്ന കവിതയെ ആസ്പദമാക്കി അവതരിപ്പിച്ച രംഗാവിഷ്‌കാരം,   വലയിൽ വീണ കിളികൾ എന്ന കവിതയുടെ നൃത്താവിഷ്‌കാരം റിയാദ് മലയാളി ടോസ്റ്റ് മാസ്റ്റേഴ്സ് ക്ലബ് മിന്നാമിന്നി ഗാവൽസ് കൂട്ടം അവതരിപ്പിച്ചു.  നവോദയ ഗായകസംഘം അവതരിപ്പിച്ച സംഘഗാനങ്ങൾ, ഡി 5 ഡാൻസ് ഫെയിം ഹരിപ്രിയയും സഹോദരനും കാഴ്ചവെച്ച നൃത്തങ്ങൾ, അലിഫ് സ്കൂൾ വിദ്യാർഥികൾ അവതരിപ്പിച്ച ഒപ്പന, മിന്നാമിന്നി ഗാവൽസ്‌കൂട്ടം   അവതരിപ്പിച്ച മാർഗ്ഗം കളി, ദേവികാ നൃത്ത കലാക്ഷേത്ര അവതരിപ്പിച്ച തിരുവാതിര, വൈദേഹി നൃത്ത വിദ്യാലയം അവതരിപ്പിച്ച സെമിക്ലാസ്സിക്കൽ നൃത്തം തുടങ്ങിയവയും അരങ്ങേറി. സമ്മാന കൂപ്പണുകളുടെ നറുക്കെടുപ്പും സമ്മാന വിതരണവും നടന്നു.  കുമ്മിൾ സുധീർ സ്വാഗതവും സുരേഷ് സോമൻ നന്ദിയും പറഞ്ഞു.