SNDP യോഗം ഒമാൻ യൂണിയൻ ബർക്ക ഗുരുചൈതന്യ ശാഖയുടെ(No:-6397)  ആഭിമുഖ്യത്തിൽ "ഒരുമയോടെ ഒരോണം" എന്ന പേരിൽ ഓണാഘോഷവും കുടുംബ സംഗമവും ബർക്കയിലുള്ള അൽഫവാൻ ഹാളിൽ വച്ച് നടന്നു.  ഓണാഘോഷത്തിനോടനുബന്ധിച്ചു നടന്ന സാംസ്കാരിക സമ്മേളനം SNDP യോഗം ഒമാൻ യൂണിയൻ ചെയർമാൻ എൽ.രാജേന്ദ്രൻ അവർകൾ നിലവിളക്ക് കൊളുത്തി ഉത്ഘാടനം ചെയ്തു. SNDP യോഗം ഒമാൻ യൂണിയൻ കൺവീനർ ജി .രാജേഷ് ആശംസകൾ നേർന്ന ചടങ്ങിൽ സെക്രട്ടറി ദീപക്ക് ബാലൻ സ്വാഗതവും ശാഖ പ്രസിഡൻറ് ഡോ. സുധാകർ അവർകൾ അദ്ധ്യക്ഷതയും ,വി.ആർ. വിജയകുമാർ നന്ദിയും പറഞ്ഞു. ചടങ്ങിൽ SNDP യോഗം ഒമാൻ യൂണിയൻ കോർ കമ്മിറ്റി മെമ്പേഴ്സ് ആയ ബി.ഹർഷകുമാർ, ടി.എസ് വസന്തകുമാർ, ഡി.മുരളീധരൻ മറ്റ് ശാഖഭാരവാഹികളായ സുരേഷ് സുന്ദർ,  പ്രവീൺ ഉണ്ണികൃഷ്ണൻ , ഗിരീഷ് ബാബു , ദിലീപ് കുമാർ രവീന്ദ്രൻ , ടി.പി.സുരേഷ്, അഭിൽ അനന്ദൻ , അജീഷ്, ഷാബു ശശിധരൻ, അനിൽ, ദിജിത്ത്.വി. ഡി, അജയകുമാർ എൻ.വി, ശശിധരൻ എൻ.ടി. എന്നിവർ സംബന്ധിച്ചു.

1000 ത്തിൽ അധികം ആളുകൾ പങ്കെടുത്ത വിഭവസമൃദ്ധമായ ഓണസദ്യയും,മഹാബലി, തെയ്യം,കൂടാതെ ത്രിപുട മസ്ക്കറ്റ് അവതരിപ്പിച്ച ചെണ്ടമേളം, SNDP യോഗം ബർക്ക ഗുരുചൈതന്യ ശാഖയിലെ വനിത വിഭാഗം അവതരിപ്പിച്ച തിരുവാതിര,ലൈറ്റ് ആൻറ് സൗണ്ട് ഷോ, മസ്ക്കറ്റിലെ പ്രസിദ്ധ ഗായകരായ ഇർഷാദ്, ബബിത ശ്യാം, ധനീഷ് എന്നിവർ നയിച്ച ഗാനമേള, ഫ്യുഷൻ കൈകൊട്ടിക്കളി, കോൽകളി, പൂതപ്പാട്ട് എന്നിവ ഓണാഘോഷത്തിന് മിഴിവ് പകർന്നു.