ആലക്കോട്: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ കുറ്റാരോപിതനായ യുവാവ് എട്ടുമാസത്തിനു ശേഷം അറസ്റ്റില്‍. നെല്ലിപ്പാറ മഞ്ഞക്കാട് സ്വദേശിയും ഓട്ടോ ഡ്രൈവറുമായ നിബിന്‍ ജോസാ(26)ണ് അറസ്റ്റിലായത്.
എട്ടുമാസം മുന്‍പ് പെണ്‍കുട്ടിയുടെ ബന്ധുക്കള്‍ പരാതി നല്‍കിയതോടെ ഇയാള്‍ ഒളിവില്‍ പോവുകയായിരുന്നു. തിരുവനന്തപുരം അമരവിള ചെക്ക്‌പോസ്റ്റിനു സമീപത്തെ താമസ സ്ഥലത്തുനിന്നു ആലക്കോട് സി.ഐ ഇ.പി സുരേശനും സംഘവുമാണ് ഇയാളെ കസ്റ്റഡിയില്‍ എടുത്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.