തിരുവനന്തപുരം : പൊലിസ് വെടിയുണ്ടകള്‍ കാണാതായ സംഭവത്തില്‍ എസ് എപി ക്യാംപില്‍ ക്രൈംബ്രാഞ്ച് നടത്തിയ പരിശോധനയില്‍ വെടിയുണ്ടകള്‍ ഉരുക്കി പൊലിസ് മുദ്ര നിര്‍മിച്ചെന്ന് സംശയം. പരിശോധനയില്‍ ഓഫിസിലെ പോഡിയത്തില്‍ സ്ഥാപിച്ച പിച്ചള മുദ്ര പിടിച്ചെടുത്തു. വെടിയുണ്ട കെയ്‌സുകളും പിടിച്ചെടുത്തിട്ടുണ്ട്. അവ ഫോറന്‍സിക് പരിശോധനയ്ക്ക് അയക്കും.

വെടിയുണ്ട കാണാതായ സംഭവത്തില്‍ 11 പൊലീസുകാരാണ് പ്രതിസ്ഥാനത്തുള്ളത്. ഇവരോട് ക്രൈംബ്രാഞ്ച് ആസ്ഥാനത്ത് ഹാജരാകണമെന്ന് അന്വേഷണസംഘം നിര്‍ദേശിച്ചിരുന്നു. അതേസമയം, കേരള പൊലീസിന്റെ തോക്കും തിരയും കാണാതായ സംഭവത്തില്‍ ഇപ്പോള്‍ സിബിഐ അന്വേഷണം ആവശ്യമില്ലെന്ന് ഹൈക്കോടതി പറഞ്ഞു.