ശ്രീകണ്ഠപുരം: ചെങ്ങളായി ചേരന്‍കുന്ന് മൊയാലം തട്ടില്‍ സി.പി.എം-ആര്‍.എസ്.എസ് സംഘര്‍ഷത്തില്‍ അഞ്ചുപേര്‍ക്കു പരുക്ക്.
സി.പി.എം മൊയ്‌ലംതട്ട് ബ്രാഞ്ച് സെക്രട്ടറി ഷിന്റോ തോമസ് (37), പ്രവര്‍ത്തകരായ എ.ജെ ബിനു (35), പി. സുശീഷ് (33) എന്നിവരെ തളിപ്പറമ്പ് സഹകരണ ആശുപത്രിയിലും ആര്‍.എസ്.എസ് പ്രവര്‍ത്തകരായ രജിത് (29) ചെരുവില്‍ അഖില്‍ (23) എന്നിവരെ തളിപ്പറമ്പ് ലൂര്‍ദ് ആശുപത്രിയിലും പ്രവേശിപ്പിച്ചു. ഞായറാഴ്ച വൈകിട്ടായിരുന്നു സംഘര്‍ഷം. കുട്ടികള്‍ തമ്മിലുണ്ടായ ചെറിയ പ്രശ്‌നം പറഞ്ഞ് തീര്‍ത്തെങ്കിലും വീണ്ടും ഇരുവിഭാഗങ്ങള്‍ തമ്മില്‍ ഏറ്റുമുട്ടുകയായിരുന്നു.