കൊച്ചി: എടവനക്കാട് കുഴുപ്പിള്ളി കുടിവെള്ള വിതരണപദ്ധതിയുടെ ഉദ്ഘാടനം നാളെ മന്ത്രി കെ.ടി ജലീല്‍ നിര്‍വഹിക്കും. എസ്. ശര്‍മ എം.എല്‍.എ അധ്യക്ഷനാകും. ജിഡയുടെ വെബ്‌സൈറ്റിന്റെ ഉദ്ഘാടനം പ്രൊഫ. കെ.വി തോമസ് എംപി നിര്‍വഹിക്കും.  ജില്ലാ കലക്ടര്‍ മുഹമ്മദ് വൈ സഫീറുള്ള, ജില്ലാ പഞ്ചായത്ത് പ്രസിഡന്റ്് ആശാ സനില്‍, സബ്കലക്ടര്‍ ഡോ. അദീല അബ്ദുള്ള, അസിസ്റ്റന്റ് കലക്ടര്‍ രേണുരാജ് തുടങ്ങിയവര്‍ സംബന്ധിക്കും. ഗോശ്രീ ദ്വീപ് വികസന അതോറിറ്റിയുടെ നേതൃത്വത്തില്‍ വിഭാവനം ചെയ്തു സജ്ജമാക്കിയതാണ് പദ്ധതി.