തൊടുപുഴ:  ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെയും തൊടുപുഴ ന്യൂമാന്‍ കോളജ് വിമന്‍ എംപവര്‍മെന്റ് സെന്ററിന്റെയും സംയുക്താഭിമുഖ്യത്തില്‍ അന്തര്‍ ദേശീയ വനിതാ ദിനത്തോടനുബന്ധിച്ച് ഇന്റര്‍ കോളജിയറ്റ് ക്വിസ് മത്സരവും ഹ്രസ്വ ചിത്ര പ്രദര്‍ശനവും സംഘടിപ്പിച്ചു.
ന്യൂമാന്‍ കോളജില്‍ നടന്ന പരിപാടി തൊടുപുഴ കുടുംബ കോടതി ജഡ്ജി എം.കെ. പ്രസന്നകുമാരി ഉദ്ഘാടനം ചെയ്തു. ജില്ലാ സാമൂഹ്യ നീതി ഓഫീസര്‍ സോഫി ജേക്കബ് അധ്യക്ഷയായി. ന്യൂമാന്‍ കോളജ് പ്രിന്‍സിപ്പല്‍ ഡോ. വിന്‍സന്റ് നെടുങ്ങാട്ട്, ജില്ലാ വിമന്‍സ് കൗണ്‍സില്‍ സെക്രട്ടറി ഡോ. റോസക്കുട്ടി എബ്രാഹം, ഡോ. ജെയിന്‍ എ ലൂക്ക് എന്നിവര്‍ സംസാരിച്ചു.
ജില്ലാചൈല്‍ഡ് പ്രൊട്ടക്ഷന്‍ ഓഫീസര്‍ വി. എ. ഷംനാദ് സ്വാഗതവും പ്രൊട്ടക്ഷന്‍  ഓഫീസര്‍ ജോമറ്റ് ജോര്‍ജ്  നന്ദിയും പറഞ്ഞു. ക്വിസ് മത്സരത്തില്‍ ഒന്നാം സ്ഥാനം മൂലമറ്റം സെന്റ് ജോസഫ്‌സ് കോളജും രണ്ടാം സ്ഥാനം തൊടുപുഴ ന്യൂമാന്‍ കോളജും മൂന്നാം സ്ഥാനം മുട്ടം യൂണിവേഴ്‌സിറ്റി കോളജും നേടി.