കണ്ണൂര്‍: എഡിഎം നവീന്‍ ബാബുവിന്റെ യാത്രയയപ്പ് പരിപാടിയിലേക്ക് തന്റെ ക്ഷണം സ്വീകരിച്ചാണ് വന്നതെന്ന ദിവ്യയുടെ വാദം തള്ളി കണ്ണൂര്‍ ജില്ലാ കലക്ടര്‍ അരുണ്‍ കെ വിജയന്‍. പരിപാടി സംഘടിപ്പിച്ചത സ്റ്റാഫ് കൗണ്‍സിലാണെന്നും താന്‍ സംഘാടകന്‍ അല്ലെന്നും കലക്ടര്‍ പറഞ്ഞു.

ജീവനക്കാര്‍ തനിക്കെതിരെ നല്‍കിയ മൊഴിയില്‍ വ്യക്തത വരുത്തുമെന്നും കലക്ടര്‍ പറഞ്ഞു. അതേസമയം ദിവ്യ എഡിഎമ്മിനെതിരെ സംസാരിക്കുമ്പോള്‍ എന്തുകൊണ്ട് ഇടപെട്ടില്ലെന്ന ചോദ്യത്തിന് അത് അന്വേഷണ പരിധിയില്‍ വരുന്ന കാര്യമാണെന്നും ഇപ്പോള്‍ പറയാനാവില്ലെന്നുമായിരുന്നു കലക്ടറുടെ മറുപടി.

പി.പി ദിവ്യ നടത്താന്‍ പോകുന്ന പരാമര്‍ശങ്ങളെക്കുറിച്ച് നേരത്തെ അറിയാമായിരുന്നതുകൊണ്ടാണ് കലക്ടര്‍ ഇടപെടാതിരുന്നത് എന്നാണ് ജീവനക്കാര്‍ പൊലിസിന് മൊഴി നല്‍കിയത്. അന്വേഷണ സംഘം ഇന്ന് കലക്ടറുടെ മൊഴി രേഖപ്പെടുത്തിയേക്കും. നവീന്റെ ആത്മഹത്യയുമായി ബന്ധപ്പെട്ട് കലക്ടറെ മാറ്റാനും സാധ്യതയുണ്ട്.

Kerala Collector rebukes allegations, clarifies Staff Council organized event, not him, amid controversy surrounding Divya's participation.