കൊടുങ്ങല്ലൂര്‍: മികച്ച ഗ്രേഡ് ലഭിക്കുമെന്ന പ്രതീക്ഷയോടെ പുല്ലൂറ്റ് ഗവ. കെ.കെ.ടി.എം കോളജ്. ഡല്‍ഹിയില്‍ നിന്നുമുള്ള മൂന്നംഗ യു.ജി.സി നാക് സംഘം ഈ മാസം 20, 21, 22 തിയ്യതികളില്‍ കോളജില്‍ സന്ദര്‍ശനം നടത്തും.
 സ്ഥാപനത്തിന്റെ ഭൗതിക സാഹചര്യങ്ങളും, അക്കാദമിക് നേട്ടങ്ങളും വിലയിരുത്തി ഗ്രേഡ് നിശ്ചയിക്കുകയാണ് യു.ജി.സി നാക് സംഘത്തിന്റെ സന്ദര്‍ശന ലക്ഷ്യം. നിലവില്‍ ബി ഗ്രേഡുള്ള കോളജിന് ഇക്കുറി ഉയര്‍ന്ന ഗ്രേഡ് നേടാനാകുമെന്നാണ് പ്രതീക്ഷ. ചരിത്ര വിഭാഗത്തിന്റെ മ്യൂസിയം, സസ്യ ശാസ്ത്ര വിഭാഗത്തിന്റെ പരിസ്ഥിതി ക്ലബ്, ജൈവ കൃഷി, ഹെര്‍ബ്ബേറിയം, സുവോളജി വിഭാഗത്തിന്റെ മ്യൂസിയം, ആധുനിക സൗകര്യങ്ങളുള്ള ജിംനേഷ്യം, ലാംഗ്വേജ് ലാബ്, അപൂര്‍വ്വ ഗ്രന്ഥങ്ങളുള്ള പൊതു ലൈബ്രറി, എന്‍.എസ്.എസിന്റെ പാലിയേറ്റീവ് കെയര്‍ സെന്റര്‍, മലയാളം വിഭാഗത്തിന്റെ എം.എന്‍ വിജയന്‍ ലൈബ്രറി, ക്യാംപസിനെ അറിയുക എന്ന പദ്ധതി തുടങ്ങിയവ കെ.കെ.ടി.എം കോളജിന്റെ അഭിമാന പ്രവര്‍ത്തനങ്ങളാണ്.
 പ്രിന്‍സിപ്പാള്‍ ടി.എന്‍ വിജയമ്മ, നാക് കോ- ഓര്‍ഡിനേറ്റര്‍ ഡോ. ഒ.രഘു എന്നിവരുടെ നേതൃത്വത്തില്‍ മികച്ച ഗ്രേഡ് നേടുവാനുള്ള പരിശ്രമത്തിലാണ്