ആലപ്പുഴ: മെയ് 19,20,21 തീയതികളില്‍ ആലപ്പുഴ സൈനുല്‍ഉലമ ചെറുശ്ശേരി സൈനുദ്ദീന്‍ മുസ്‌ലിയാര്‍ നഗറില്‍ നടക്കുന്ന എസ്.കെ.എസ്.എസ്.എഫ് ആലപ്പുഴ മേഖലാ സില്‍വര്‍ ജൂബിലിയുടെ ലോഗോ പ്രകാശനം ഇന്ന് നടക്കും. വൈകുന്നേരം 4.30ന് ന്യൂബസാര്‍ സി.എച്ച് മഹലില്‍ നടക്കുന്ന ചടങ്ങ് കേരളാ പൊതുമരാമത്ത് രജിസ്‌ട്രേഷന്‍ വകുപ്പ് മന്തി ജി.സുധാകരന്‍ നിര്‍വ്വഹിക്കും. സ്വാഗതസംഘം ചെയര്‍മാന്‍ പി.എ ശിഹാബുദ്ദീന്‍ മുസ്‌ലിയാര്‍ അധ്യക്ഷത വഹിക്കും. സമസ്തയുടെയും പോഷകഘടകങ്ങളുടെയും നേതാക്കള്‍ സംബന്ധിക്കും. മുഴുവന്‍  അംഗങ്ങളും പങ്കെടുക്കണമെന്ന് ജനറല്‍കണ്‍വീനര്‍ എ.എം.എം ശാഫി റഹ്മത്തുല്ലാഹ് അറിയിച്ചു.