സാന്റോ ഡൊമിങ്കോ:  സുഹൃത്തുക്കളോട് പന്തയം വച്ച് ഒരു കുപ്പി മദ്യം ഒറ്റവലിക്ക് അകത്താക്കിയ 23കാരന്‍ നിമിഷങ്ങള്‍ക്കകം കുഴഞ്ഞു വീണ് മരിച്ചു. അമിതമായി മദ്യം കഴിച്ചതിനെ തുടര്‍ന്ന് കെല്‍വിന്‍ റാഫേല്‍ മെജിയ എന്ന യുവാവാണ് മരിച്ചത്. നൈറ്റ് ക്ലബില്‍ വച്ചാണ് സംഭവം. 630 ഡോളറിനായിരുന്നു പന്തയം.
മദ്യം ഒറ്റവലിക്ക് അകത്താക്കിയപ്പോള്‍ തന്നെ യുവാവ് കുഴഞ്ഞു തുടങ്ങിയിരുന്നു. പന്തയത്തുക കൈയില്‍ വച്ചു കൊടുത്തപ്പോഴേക്കും കുഴഞ്ഞു വീണു. പന്തയത്തിന്റെയും കുഴഞ്ഞുവീഴുന്നതിന്റെയും വിഡിയോ സമൂഹമാധ്യമങ്ങളില്‍ പ്രചരിക്കുന്നുണ്ട്. പിന്നീടു കെല്‍വിനു ബോധം തെളിഞ്ഞിട്ടില്ല. ആശുപത്രിയിലെത്തിച്ചപ്പോള്‍ മരണം സ്ഥിരീകരിച്ചു.