#ഉബൈദുല്ല റഹ്മാനി

മനാമ: വെള്ളിയാഴ്ച നടക്കുന്ന ബഹ്‌റൈന്‍ കെ.എം.സി.സി 40ാം വാര്‍ഷികാഘോഷ പരിപാടിയുടെ പരിസരത്ത് പ്രവാസി വോട്ട് ചേര്‍ക്കാന്‍ പ്രത്യേക സൗകര്യം ഏര്‍പ്പെടുത്തുമെന്ന് സംഘാടകര്‍ അറിയിച്ചു. ജനു 25ന് ഇന്ന് വൈകിട്ട് നടക്കുന്ന ഉദ്ഘാടന പരിപാടി വേദിയായ മനാമ അല്‍റജാഹ് സ്‌കൂള്‍ ഗ്രൗണ്ടിലാണ് പ്രവാസി വോട്ട് ചേര്‍ക്കാനുള്ള പ്രത്യേക കൗണ്ടര്‍ പ്രവര്‍ത്തിക്കുക.

14 ജില്ലകളിലേക്കും പ്രത്യേക കൗണ്ടറുകള്‍ സൗകര്യം ലഭ്യമായിരിക്കുമെന്നും ഇത് പരമാവധി എല്ലാ പ്രവാസി മലയാളികളും പ്രയോജനപ്പെടുത്തി ഇന്ത്യയുടെ ജനാധിപത്യ പ്രക്രിയയില്‍ പങ്കാളികളാകണമെന്നും കെ.എം.സി.സി സംസ്ഥാന ഭാരവാഹികള്‍ അഭ്യര്‍ത്ഥിച്ചു.

വോട്ടര്‍ ലിസ്റ്റില്‍ പേര് ചേര്‍ക്കാന്‍ ആവശ്യമായ രേഖകള്‍ പ്രത്യേകം കരുതേണ്ടതാണ്. കൂടുതല്‍ വിവരങ്ങള്‍ക്ക് :0097336300291,39881099.