കൊച്ചി: ഐ.ആര്‍.ഇ.പി പദ്ധതി രാജ്യത്തിന് അഭിമാനമാണെന്ന് പ്രധാനമന്ത്രി നരേന്ദ്രമോദി. രാജ്യത്തിന്റെ വികസനത്തിന് റിഫൈനറി സുപ്രധാന പങ്കുവഹിക്കുന്നു. ഇന്ത്യ ഒരു റിഫൈനറി ഹബ്ബായി മാറുകയാണെന്നും അദ്ദേഹം പറഞ്ഞു. ബി.പി.സി.എല്‍ കൊച്ചി റൈഫനറിയുടെ ഐ.ആര്‍.ഇ.പി പദ്ധതി രാജ്യത്തിന് സമര്‍പ്പിച്ച് സംസാരിക്കുകയായിരുന്നു അദ്ദേഹം.

ബി.പി.സി.എല്ലിന്റെ ഐ.ആര്‍.ഇ.പി പദ്ധതി കൊച്ചിയിലെ വ്യവസായ സാധ്യത വര്‍ധിപ്പിക്കുമെന്നും കൊച്ചിയിലേക്ക് പെട്രോ കെമിക്കല്‍ വ്യവസായങ്ങള്‍ എത്തുമെന്നും പ്രധാനമന്ത്രി പറഞ്ഞു. 2021ല്‍ ക്രൂഡ് ഓയില്‍ ഇറക്കുമതി 10 ശതമാനം കുറയ്ക്കും. ജൈവ ഇന്ധനമിശ്രിതത്തിന്റെ ഉപയോഗം 25 ശതമാനമായി വര്‍ധിപ്പിക്കുമെന്നും പ്രധാനമന്ത്രി പറഞ്ഞു.