കോവളം: സ്‌കൂള്‍ പരിസരത്തും കോവളം ബീച്ചിലും കഞ്ചാവ് കച്ചവടം നടത്തിവന്നിരുന്ന യുവാവിനെ കോവളം പൊലീസ് പിടികൂടി. വിഴിഞ്ഞം ചെറുമണല്‍ കുഴി സ്വദേശി സിദ്ദീഖ് (24) നെയാണ് പൊലീസ് അറസ്റ്റ് ചെയ്തത്.
ഇയാളുടെ കൈയില്‍ നിന്നും നിരവധി കഞ്ചാവ് പൊതികള്‍ കണ്ടെടുത്തതായി പൊലീസ് പറഞ്ഞു. ഫോര്‍ട്ട് അസിസ്റ്റന്റ് കമ്മീഷണര്‍ ദിനിലിന്റെ നിര്‍ദ്ദേശം അനുസരിച്ച് കോവളം എസ്.ഐ അജിത്ത് കുമാറിന്റെ നേതൃത്വത്തില്‍ നടത്തിയ പരിശോധനയിലാണ് പ്രതി പിടിയിലായത്. ഇയാള്‍ കഞ്ചാവ് കച്ചവട ശൃംഖലയിലെ അംഗമാണെന്നും സംഘത്തിലെ മറ്റുള്ളവരെ കുറിച്ച് വിവരം ലഭിച്ചിട്ടുണ്ടെന്നും അവര്‍ക്കായുള്ള അന്വേഷമം ഊര്‍ജ്ജിതമാക്കിയതായും എസ്.ഐ പറഞ്ഞു.