മഞ്ചേരി: പുല്‍പ്പറ്റ പഞ്ചായത്ത് ജിദ്ദ കെ.എം.സി.സി നിര്‍മിച്ച ബൈത്തുറഹ്മ സമര്‍പ്പണവും മുസ്‌ലിംലീഗ് കുടുംബ സംഗമവും തൃപ്പനച്ചി അല്‍ഫാറൂഖ്  കാംപസില്‍ സംഘടിപ്പിച്ചു. ബൈത്തുറഹ്മസമര്‍പ്പണം പാണക്കാട് സയ്യിദ് റഷീദലി ശിഹാബ് തങ്ങള്‍ പുല്‍പ്പറ്റ പഞ്ചായത്ത് മുസ്‌ലിംലീഗ് കമ്മിറ്റിക്ക് നല്‍കി നിര്‍വഹിച്ചു. ഒ.പി കുഞ്ഞാപ്പുഹാജി അധ്യക്ഷനായി. പി ഉബൈദുല്ല എം.എല്‍.എ, അബ്ദുറഹ്മാന്‍ പുല്‍പ്പറ്റ, മജീദ് അരിമ്പ്ര, ബാവ വിസപ്പടി, ജമാല്‍ ആനക്കയം, ടി.പി കുഞ്ഞിമുഹമ്മദ്, എ.എം അബൂബക്കര്‍, പി.സി അബ്ദുറഹ്മാന്‍, പി.എ സലാം, കെ.പി മുഹമ്മദ് കാരാപറമ്പ്, സലാം തൃപ്പനച്ചി, എ.പി അബ്ദുല്‍ വാഹിദ്, ഒ.പി ശമീര്‍, റശീദ് ടി.കെ വാണിയമ്പലം, സമീര്‍ ബാബു പൂക്കൊളത്തൂര്‍ പ്രസംഗിച്ചു. ഭാഷാസമര സേനാനി ഉണ്ണിമുഹമ്മദ്ഹാജിക്ക് കെ.എം.സി.സിയുടെ ഉഹാരം പാണക്കാട് സയ്യിദ് റഷീദലി ശിഹാബ് തങ്ങള്‍ കൈമാറി. മുജീബ് കാടേരി, ജാബിര്‍ ഹുദവി തൃക്കരിപ്പൂര്‍ ക്ലാസെടുത്തു. ഉച്ചക്ക് ശേഷം നടന്ന കുടുംബം സെഷനില്‍ ഡോ. സുലൈമാന്‍ മാസ്റ്റര്‍ മേല്‍പ്പത്തൂര്‍ ക്ലാസെടുത്തു.