ഹരിപ്പാട്: ശുദ്ധജലക്ഷാമം രൂക്ഷമായ സാഹചര്യത്തില്‍ ചിങ്ങോലി ഗ്രാമപഞ്ചായത്തിലെ പ്രാഥമികാരോഗ്യകേന്ദ്രം അടക്കമുള്ള മുഴുവന്‍ സര്‍ക്കാര്‍ ഓഫീസുകളിലും എത്തുന്ന പൊതുജനങ്ങള്‍ക്ക് കുടിവെള്ളം ലഭിക്കുന്നതിന് ഇന്ത്യന്‍ യൂത്ത് കോണ്‍ഗ്രസ് ചിങ്ങോലി മണ്ഡലം കമ്മറ്റിയുടെ നേതൃത്വത്തില്‍ ചെറുകണ്ടെയ്‌നറുകളില്‍ കുടിവെള്ളം  വച്ച് നല്‍കുന്ന പദ്ധതി ആരംഭിച്ചു.
 ഡി.സി.സി.അംഗവും ചിങ്ങോലി ഗ്രാമപഞ്ചായത്ത് പ്രസിഡന്റുമായ എച്ച്.നിയാസ് ഉദ്ഘാടനം ചെയ്തു. യൂത്ത് കോണ്‍ഗ്രസ്സ് ചിങ്ങോലി മണ്ഡലം പ്രസിഡന്റ് എം.എ.അജു അദ്ധ്യക്ഷത വഹിച്ചു. യൂത്ത് കോണ്‍ഗ്രസ്സ് ഹരിപ്പാട് ബ്ലോക്ക് ജനറല്‍ സെക്രട്ടറിമാര്‍ ആര്‍.ബിനുരാജ്, എം.ശങ്കര്‍ എന്നിവര്‍ മുഖ്യപ്രഭാഷണം നടത്തി. പി.സുകുമാരന്‍, സുരേഷ് മുളവന തോമസ്, അനില്‍ കുന്നേല്‍, സജിനി, അഡ്വ.കിരണ്‍കുമാര്‍, വിജിത, ഉല്ലാസ് കോട്ടപ്പുറം, വിപിന്‍കുമാര്‍, ആര്‍.അജിത്, ശ്യാംകുമാര്‍, സോമലത  സംസാരിച്ചു.