ന്യൂഡല്‍ഹി: ശബരിമല സ്ത്രീപ്രവേശന വിധിയ്‌ക്കെതിരായ ഹരജികള്‍ സുപ്രിം കോടതി ഫെബ്രുവരി ആറിന് പരിഗണിച്ചേക്കും. ഭരണഘടനാ ബെഞ്ചിന്റെ വിധിക്കെതിരെയുള്ള പുനഃപരിശോധന ഹരജികളും കോടതിയലക്ഷ്യ ഹരജികളുമാണ് സുപ്രിംകോടതിയുടെ പരിഗണനയ്ക്ക് വരുന്നത്.

അതേസമയം ഇത് സംബന്ധിച്ച ഔദ്യോഗിക അറിയിപ്പുകള്‍ പുറത്തുവന്നിട്ടില്ല

ശബരിമല വിധിക്കെതിരെ അമ്പതോളം പുനഃപരിശോധനാ ഹരജികളാണ് കോടതിയില്‍ സമര്‍പ്പിച്ചിരിക്കുന്നത്. ഇതിന് പുറമെ റിട്ട് ഹരജികളും ദേവസ്വം ബോര്‍ഡിന്റെ സാവകാശ ഹരജികളും സുപ്രിം കോടതിയുടെ പരിഗണനയിലുണ്ട്.

ഹരജികള്‍ ജനുവരി 22 നു പരിഗണിക്കുമെന്നാണ് നേരത്തെ അറിയിച്ചതെങ്കിലും ഭരണഘടനാ ബെഞ്ചിലെ അംഗമായിരുന്ന ജസ്റ്റിസ് ഇന്ദു മല്‍ഹോത്ര അവധിയില്‍ ആയതിനാല്‍ അത് മാറ്റി വെക്കുകയായിരുന്നു.