വെള്ളറട: കഴിഞ്ഞദിവസം വൈകുന്നേരം പെണ്‍കുട്ടിയെ ശല്യം ചെയ്യുന്നത് ചോദ്യം ചെയ്ത സംഭവത്തില്‍ കേസന്വേഷണം തൃപ്തികരമല്ലെന്നു പരാതി. വെള്ളറട പൊലിസ് പരിധിയില്‍ നാടാര്‍കോണത്ത് വച്ചാണ് ആക്രമണം നടന്നത്. തലയ്ക്ക് ഗുരുതരമായി പരുക്കേറ്റു. മര്‍ദനത്തില്‍ പല്ലു കൊഴിഞ്ഞും വിദ്യാര്‍ഥി അടക്കം അഞ്ചുപേര്‍ ആശുപത്രിയിലാണ്. പെണ്‍കുട്ടിയുടെ പിതാവ് ഷാജി, ബന്ധുക്കളായ ബാലമുരുകന്‍, വിദ്യാര്‍ഥി അശ്വിന്‍, വര്‍ഗീസ്, സെല്‍വരാജ് എന്നിവര്‍ ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്.
ആക്രമണം നടത്തിയ കണ്ടാല്‍ അറിയാവുന്ന 15 ഓളം പേര്‍ക്ക് എതിരേ വ്യക്തമായ മൊഴി നല്‍കിയെങ്കിലും അക്രമികള്‍ക്കെതിരേ നടപടി സ്വീകരിക്കാത്തതിനെതിരേ പ്രതിഷേധം ശക്തമായിട്ടുണ്ട്. വെള്ളറട പൊലിസ് അക്രമികള്‍ക്കു കൂട്ടുനില്‍ക്കുകയാണെന്നു കാണിച്ച് അടുത്തദിവസം ആഭ്യന്തരവകുപ്പിനും ഡി.ജി.പിക്കും പരാതി നല്‍കുമെന്നു ബന്ധുക്കള്‍ പറഞ്ഞു.