കൊച്ചി: കലക്ടറേറ്റില്‍ വിവിധ ആവശ്യങ്ങള്‍ക്കായി എത്തുന്നവര്‍ക്കു സഹായകരമാകുന്ന സേവനങ്ങളുമായി ജില്ലഭരണകൂടവും കുടുംബശ്രീയും സംയുക്തമായി സദ്‌സേവന കേന്ദ്രം തുറന്നു. അപേക്ഷ എഴുതി തയാറാക്കാനും ഫോട്ടോസ്റ്റാറ്റ് എടുക്കാനും മറ്റുമായി കുടുംബശീയുടെ പ്രത്യേക സംവിധാനം പ്രയോജനപ്പെടും.  മലയാളം ഇംഗ്ലീഷ് ഡാറ്റാ എന്‍ട്രി, ഡി.റ്റി.പി വര്‍ക്കുകള്‍, ലഘുഭക്ഷണശാല എന്നിവയ്ക്കുപുറമെ പ്രഷര്‍, ഷുഗര്‍, കൊളസ്‌ട്രോള്‍ പരിശോധന നടത്തുന്ന സാന്ത്വനം കെയര്‍ മുതലായ സൗകര്യങ്ങളാണു സദ്‌സേവനയില്‍ ഒരുക്കിയിരിക്കുന്നത്.