തിരൂരങ്ങാടി:  മുസ്‌ലിം ലീഗ് സ്ഥാപക ദിനത്തിന്റെ ഭാഗമായി നന്നമ്പ്ര പഞ്ചായത്ത് മുസ്‌ലിം യൂത്ത് ലീഗ് കമ്മിറ്റി ജല സംരക്ഷണ സന്ദേശ ജാഥ നടത്തും. നാളെ വൈകിട്ട് 4 മണിക്ക് ചെറുമുക്ക് വെസ്റ്റ് പാടത്ത് നിന്നും ആരംഭിക്കുന്ന ജാഥ ചെറുമുക്ക് ടൗണില്‍ സമാപിക്കും. ജാഥയില്‍ ജല സംരക്ഷണ സന്ദേശമുയര്‍ത്തും. അന്നേ ദിവസം രാവിലെ 9 മണിക്ക് പഞ്ചായത്തിലെ എല്ലാ കവലകളിലും പതാക ഉയര്‍ത്തും. യോഗം ഇ.പി മുജീബ് മാസ്റ്റര്‍ ഉദ്ഘാടനം ചെയ്തു. യു.എ റസാഖ് അധ്യക്ഷനായി.
ജാഫര്‍ പനയത്തില്‍, ഷമീര്‍ പൊറ്റാണിക്കല്‍, യു ഷാഫി, എം.സി അന്‍വ്വര്‍, ഇല്ലിക്കല്‍ സക്കരിയ്യ, കെകെ സാദിഖ്, കെ മനാഫ്, കെ മൊഹ്‌യുദ്ധീന്‍, ഹക്കീം മൂച്ചിക്കല്‍, ടി ആസിഫ്, ടി സാലിഹ് സംസാരിച്ചു.