മാള: വിവാഹവേദിയില്‍ വധൂവരന്മാര്‍ക്കൊപ്പം ഫോട്ടോ എടുക്കാന്‍ വൈകിയതിന് ഫോട്ടോഗ്രാഫറെ മര്‍ദിക്കുകയും വാഹനമിടിച്ച് കൊല്ലാന്‍ ശ്രമിക്കുകയും ചെയ്ത സംഭവത്തില്‍ മൂന്ന് പേരെ അറസ്റ്റ് ചെയ്തു.സംഭവത്തിലെ ഒന്നാം പ്രതി അഷ്ടമിച്ചിറ മാരേക്കാട് കളപ്പുരക്കല്‍ ബിജു(42), കോള്‍ക്കുന്ന് സ്വദേശി കണ്ണക്കാട്ടില്‍ ശരത്ത്(30), പുത്തന്‍വേലിക്കര സ്വദേശിയും ഇപ്പോള്‍ അണ്ണല്ലൂരില്‍ താമസിക്കുന്ന തോട്ടത്തില്‍ അനില്‍(29)എന്നിവരെയാണ് മാള പൊലിസ് അറസ്റ്റ് ചെയ്തത്.ഇവര്‍ക്കെതിരെ വധശ്രമത്തിന് കേസെടുത്തിരുന്നു. വാദിയുമായി കോടതിക്ക് പുറത്ത് ഒത്തുതീര്‍പ്പ് ഉണ്ടാക്കിയെങ്കിലും മൂന്നു പേരെയും കോടതി റിമാന്‍ഡ് ചെയ്യുകയായിരുന്നു. ഫൊട്ടോഗ്രാഫറായ പാലക്കാട് സ്വദേശി കളത്തില്‍ വീട്ടില്‍ സന്ദീപിനാണ് മര്‍ദനമേറ്റത്. രണ്ടിടങ്ങളില്‍ വച്ച് ഇയാള്‍ സഞ്ചരിച്ചിരുന്ന കാറിനെ മറ്റൊരുവാഹനത്തിലെത്തി ഇടച്ചു തകര്‍ക്കുകയും ചെയ്തിതിരുന്നു.