അബൂദബി: യു.എ.ഇയില്‍ കഴിഞ്ഞ വര്‍ഷം 140 വ്യാജ സര്‍ട്ടിഫിക്കറ്റുകള്‍ അധികൃതര്‍ പിടികൂടി. വിദേശ സര്‍വകലാശാലകളില്‍ നിന്നുള്ള വ്യാജ സര്‍ട്ടിഫിക്കറ്റുകളാണ് യു.എ.ഇ അധികൃതര്‍ പിടികൂടിയത്. ഫെഡറല്‍ നാഷണല്‍ കൗണ്‍സിലില്‍ ഉന്നത വിദ്യാഭ്യാസ സഹമന്ത്രിയാണ് ഇക്കാര്യം അറിയിച്ചത്. വിദേശത്ത് പഠിക്കുന്ന സ്വദേശികള്‍ അവിടെ നിന്നുള്ള വ്യാജ സര്‍ട്ടിഫിക്കറ്റുകള്‍ യു.എ.ഇയില്‍ ഹാജരാക്കുന്നതായുള്ള ആരോപണങ്ങളെക്കുറിച്ച് പ്രതികരിക്കവെയാണ് വ്യാജ സര്‍ട്ടിഫിക്കറ്റുകള്‍ പിടിച്ച കാര്യം മന്ത്രി അറിയിച്ചത്.