മണ്ണാര്‍ക്കാട്: എക്‌സൈസ് റെയ്ഞ്ച് ആനമൂളി ഭാഗത്ത് നടത്തിയ വാഹന പരിശോധനയില്‍ അട്ടപ്പാടിയിലേക്ക് വില്‍പനക്കായി കടത്തികൊണ്ട് വന്ന 15 ലിറ്റര്‍ മാഹി മദ്യം പിടികൂടി. ഇന്ന് കാലത്ത് നടത്തിയ വാഹന പരിശോധനയിലാണ് മദ്യവും കടത്താന്‍ ഉപയോഗിച്ച ബൈക്കും പിടികൂടിയത്. രണ്ട് പേരെ അറസ്റ്റ് ചെയ്തു. കോഴിക്കോട് പടിഞ്ഞാറ്റുമുറി സ്വദേശി അരുണ്‍ദാസ്, അഗളി ചീരക്കടവ് സ്വദേശി അയ്യപ്പന്‍ എന്നിവരാണ് അറസ്റ്റില്‍ ആയത്.
പ്രതികള്‍ സ്ഥിരമായി മദ്യം അട്ടപ്പാടിയുടെ വിവിധ പ്രദേശങ്ങളിലെത്തിച്ച് അമിതലാഭത്തില്‍ വില്‍പന നടത്തുന്നവരാണ് പ്രതികളെ കോടതിയില്‍ ഹാജരാക്കി റിമാന്റ് ചെയ്തു എക്‌സൈസ് ഇന്‍സ്‌പെക്ടര്‍ അബ്ദുല്‍ അഷറഫിന്റെ നേതൃത്വത്തില്‍ പ്രിവന്റീവ് ഓഫിസര്‍ സല്‍മാന്‍ റസാലി സിവില്‍ എക്‌സൈസ് ഓഫിസര്‍മാരായ രാജേഷ്, പ്രശാന്ത്, ചന്ദ്രന്‍, വനിത സിവില്‍ എക്‌സൈസ് ഓഫിസര്‍ പ്രേമകുമാരി എന്നിവര്‍ ചേര്‍ന്നാണ് മദ്യവും പ്രതികളെയും പിടികൂടിയത്.