ന്യൂഡല്‍ഹി: സി.ബി.ഐ ഡയരക്ടറായി നിയമിതനായ ഋഷി കുമാര്‍ ശുക്ല അഴിമതിക്കേസില്‍ അന്വേഷണം നേരിടുന്നയാളും ഇത്തരമൊരു പദവി വഹിക്കാന്‍ പരിചയസമ്പത്തില്ലാത്തയാളുമാണെന്ന് ഉന്നതതല സെലക്ടഷന്‍ കമ്മിറ്റി അംഗവും കോണ്‍ഗ്രസ് നേതാവുമായ മല്ലികാര്‍ജ്ജുര്‍ ഖാര്‍ഗെ. പ്രധാനമന്ത്രിയ്ക്ക് അയച്ച വിയോജനക്കുറിപ്പിലാണ് ഖാര്‍ഗെ ഇക്കാര്യം ചൂണ്ടിക്കാട്ടിയിരിക്കുന്നത്. ഋഷി കുമാര്‍ ശുക്ലയെ നിയമിക്കാന്‍ തീരുമാനിച്ച യോഗത്തില്‍ ഖാര്‍ഗെ മാത്രമാണ് എതിര്‍പ്പുന്നയിച്ചത്. ചീഫ് ജസ്റ്റിസ് രജ്ഞന്‍ ഗോഗോയിയും സെലക്ഷന്‍ കമ്മിറ്റി അംഗമാണ്.