തെഹ്‌റാന്‍: 1979ലെ വിപ്ലവ വാര്‍ഷികത്തിന്റെ ഭാഗമായി ഇറാന്‍ പുതിയ ക്രൂയിസ് മിസൈല്‍ പുറത്തിറക്കി.
പുതുതായി വികസിപ്പിച്ച ദീര്‍ഘദൂര മിസൈല്‍ കഴിഞ്ഞ ദിവസം വാര്‍ഷികാഘോഷത്തിന്റെ ഭാഗമായി പ്രതിരോധ മന്ത്രി അമീര്‍ ഹാതമി അനാച്ഛാദനം ചെയ്തു.
ഹൊവൈസ എന്ന പേരുനല്‍കിയ മിസൈല്‍ 1,300 കിലോ മീറ്റര്‍ ദൂരം പ്രഹരശേഷിയുള്ളതാണ്. 2015ല്‍ ഇറാന്‍ പുറത്തിറക്കിയ സൗമര്‍ ക്രൂയിസ് മിസൈല്‍ കുടുംബത്തില്‍പെട്ടതാണ് ഹൊവൈസ.

ഇറാന്റെ ആണവ, മിസൈല്‍ പരീക്ഷണങ്ങള്‍ക്കെതിരേ അമേരിക്ക ശക്തമായി രംഗത്തെത്തിയ പശ്ചാത്തലത്തിലാണ് പുതിയ മിസൈല്‍ പുറത്തിറക്കിയതെന്നത് ശ്രദ്ധേയമാണ്.
ഇറാന്‍ ആണവ കരാറില്‍നിന്ന് മാസങ്ങള്‍ക്ക് മുന്‍പാണ് അമേരിക്ക പിന്മാറിയത്.