കൊണ്ടോട്ടി:കൊവിഡ്- 19 ജാഗ്രതയുടെ ഭാഗമായി കരിപ്പൂര്‍ ഹജ്ജ് ഹൗസിലേക്കും ഹജ്ജ് കമ്മിറ്റി ഓഫിസിലേക്കും ഈ മാസം 31 വരെ സന്ദര്‍ശകര്‍ക്കു നിയന്ത്രണമേര്‍പ്പെടുത്തി. ഹജ് കമ്മിറ്റി ഓഫിസിലേക്ക് പാസ്‌പോര്‍ട്ടും അനുബന്ധ രേഖകളും സമര്‍പ്പിക്കാനുള്ളവര്‍ മാര്‍ച്ച് 31ന് ശേഷം മാത്രം എത്തിയാല്‍ മതിയെന്ന് ഹജ്ജ് കമ്മിറ്റി അറിയിച്ചു. എന്നാല്‍ പണമടച്ച രസീതി, മറ്റ് അപേക്ഷകള്‍ എന്നിവ തപാല്‍ വഴി അയയ്ക്കണം. കൂടുതല്‍ വിവരങ്ങള്‍ക്ക്: 0483-2710717, 2717572.