ന്യൂഡല്‍ഹി: രാജ്യത്ത് കൊവിഡ്-19 ന്റെ വ്യാപനത്തെ തുടര്‍ന്ന് ഐ.സി.എസ്.ഇ പരീക്ഷകളും മാറ്റി. പത്താം ക്ലാസ്, പ്ലസ് ടു പരീക്ഷകളാണ് മാറ്റിയത്. കഴിഞ്ഞ ദിവസം സി.ബി.എസ്.ഇയും പരീക്ഷകള്‍ മാറ്റിയിരുന്നു.

പരീക്ഷകള്‍ മാറ്റിവെക്കാന്‍ കേന്ദ്രം കഴിഞ്ഞ ദിവസം നിര്‍ദ്ദേശിച്ചിരുന്നു. എല്ലാ സര്‍വകലാശാലകളുടെ പരീക്ഷകളും മാറ്റിവെക്കാനും നിര്‍ദേശിച്ചിട്ടുണ്ട്.

അതേ സമയം കേരളത്തിലെ എസ്.എസ്.എല്‍.സി, പ്ലസ്ടു പരീക്ഷകള്‍ മാറ്റിയിട്ടില്ല.എസ്.എസ്.എല്‍.സി. പ്ലസ് വണ്‍. പ്ലസ്ടു, വി.എച്ച്.എസ്.ഇ പരീക്ഷകള്‍ മാറ്റമില്ലാതെ തുടരുമെന്നാണ് നിലവിലെ തീരുമാനമെന്ന് പൊതു വിദ്യാഭ്യാസ ഡയറക്ടര്‍ അറിയിച്ചു.