പന്തീരാങ്കാവ്: വാതില്‍ പൊളികള്‍ ഇല്ലാതെ ഓടുന്ന ബസുകള്‍ക്കെതിരേ നടപടികള്‍ ശക്തമാക്കാന്‍ വിവിധ ജില്ലാ പൊലിസ് മേധാവികള്‍ സ്റ്റേഷന്‍ എച്ച്.ഒമാര്‍ക്ക് നിര്‍ദേശം നല്‍കി. പൊതുഗതാഗത മേഖലയില്‍ വാതിലുകളില്ലാത്ത ബസുകള്‍ സര്‍വിസ് നടത്തുന്നതു വഴി യാത്രക്കാര്‍ക്ക് ഉണ്ടായേക്കാവുന്ന അപകടസാധ്യത പരിഗണിച്ച് കോഴിക്കോട് ആസ്ഥാനമാക്കി പ്രവര്‍ത്തിക്കുന്ന 'ഫോര്‍ ദി പബ്ലിക് 'എന്ന സംഘടന സംസ്ഥാന പൊലിസ് മേധാവിക്കു നല്‍കിയ പരാതിയിലാണു നടപടി.