HOME
DETAILS

സഊദിയിൽ ഇഖാമ പുതുക്കാൻ അനുവദിച്ച മൂന്ന് മാസ ലെവി ഇളവ് പ്രാബല്യത്തിൽ 

  
backup
March 22 2020 | 06:03 AM

saudi-started-to-renew-iqama-with-3-month-free-of-cost-2020


      റിയാദ്: കൊവിഡ് 19 വൈറസ് ബാധ പ്രത്യാഘാതത്തിൽ ദുരിതത്തിലായവരെ സഹായിക്കാൻ സഊദി ഭരണകൂടം പ്രഖ്യാപിച്ച ഇഖാമ പുതുക്കുന്നതിനുള്ള ലെവി ഇളവ് ലഭ്യമായിത്തുടങ്ങി. 2020 മാര്‍ച്ച് 20 മുതല്‍ ജൂണ്‍ 30-നകം ഇഖാമ കാലയളവ് തീരുന്നവര്‍ക്ക് മാത്രമാണ് ആനുകൂല്യം. ഇതിന് മുമ്പായി കാലാവധി തീര്‍ന്നവര്‍ പിഴയുള്‍പ്പെടെ ഇഖാമ തുക പൂര്‍ണമായും അടക്കണം. കൊവിഡ് 19 വൈറസ് വ്യാപന നിയന്ത്രണത്തിന്റെ ഭാഗമായി പ്രതിസന്ധിയിലായ സ്വകാര്യസ്ഥാപനങ്ങൾക്ക് ധനമന്ത്രി വെള്ളിയാഴ്ച പ്രഖ്യാപിച്ച ആശ്വാസ പാക്കേജുകളുടെ ഭാഗമാണ് മൂന്നു മാസത്തെ ലെവി റദ്ദാക്കൽ. 
       ഒരു വര്‍ഷത്തേക്കുള്ള (12 മാസത്തേക്ക്) ലെവി തുക അടക്കുമ്പോള്‍ 15 മാസത്തേക്ക് ഇഖാമ പുതുക്കി കിട്ടുന്നതാണ് രീതി. അതായത് പഴയതു പോലെ തന്നെ ഒരു വര്‍ഷത്തേക്ക് ഇഖാമ ഫീസ് അടക്കണം. ഇതില്‍ മൂന്നു മാസത്തേക്ക് അധികമായി ഇഖാമ കാലാവധി ലഭിക്കുമെന്ന്ചുരുക്കം. സ്വദേശിവത്കരണതോതനുസരിച്ച് പരമാവധി ഒരു മാസത്തേക്ക് 800 റിയാൽ, അല്ലെങ്കിൽ 700 റിയാൽ എന്നിങ്ങനെയാണ് ഓരോ ജീവനക്കാരനും ഇഖാമ പുതുക്കുന്നതിനുള്ള ലെവി. ഇതുപ്രകാരം 2400 റിയാലോ 2100 റിയാലോ  ഒരു ജീവനക്കാരന്റെ ഇഖാമ പുതുക്കുമ്പോൾ സ്ഥാപനത്തിന് ആനുകൂല്യമായി ലഭിക്കുന്ന രീതിയിലാണ് ആനുകൂല്യം ലഭ്യമാകുക.     
        പണമായി സ്ഥാപനങ്ങൾക്ക് ഈ ആനുകൂല്യം ലഭ്യമാകില്ലെങ്കിലും തൊഴിലാളിയുടെ ഇഖാമയുടെ മൂന്നു മാസത്തെ അധിക കാലാവധി സൗജന്യമായി ലഭിക്കും. അതേസമയം, തൊഴിലാളിക്ക് മാത്രമാണ് ലെവി ആനുകൂല്യം ലഭിക്കുന്നത്. ആശ്രിതരുടെ ലെവിയില്‍ ഒരു മാറ്റവും ഇല്ല. ഇഖാമ പുതുക്കാന്‍ സദാദ് (ഫീ അടക്കാനുള്ള പ്രത്യേക നമ്പർ) എടുക്കുമ്പോഴാണ് ലെവി ഇളവ് ആനുകൂല്യം ലഭിക്കുന്നത്. 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."