കോഴിക്കോട്: എസ്എഫ്ഐ അഖിലേന്ത്യ സമ്മേളനത്തിന് അവധി നൽകിയ സംഭവത്തിൽ സ്‌കൂളിനും പ്രധാനാധ്യാപകനും അനുകൂലമായി ല്ലാ വിദ്യാഭ്യാസ ഓഫിസറുടെ (ഡിഇഒ) റിപ്പോർട്ട്. കോഴിക്കോട് മെഡിക്കൽ കോളജ് ക്യാമ്പസ് ഹൈസ്കൂളിന് ആണ് ഡിഇഒയുടെ ചുമതലയുള്ള സിറ്റി എഇഒ അനുകൂല റിപ്പോർട്ട് നൽകിയത്. പഠിപ്പ് മുടക്കെന്ന് കാണിച്ച് എസ്എഫ്ഐ കത്ത് നൽകിയിരുന്നു. അതിനാൽ സ്കൂളിൽ പ്രശ്നമുണ്ടാകാതിരിക്കാനാണ് ക്ലാസ്സ് വിട്ടതെന്നും റിപ്പോർട്ടിൽ പറയുന്നു. 

റിപ്പോർട്ട് വിദ്യാഭ്യാസ ഉപഡയറക്ടർക്ക് കൈമാറി. ഡിഡിഇ പൊതുവിദ്യാഭ്യാസ ഡയറക്ടർക്ക് റിപ്പോർട്ട് കൈമാറും. റിപ്പോർട്ടിന്റെ അടിസ്ഥാനത്തിൽ വകുപ്പ് ഡയറക്ടർ ആണ് തുടർനടപടിയെടുക്കുക. എസ്എഫ്ഐ അഖിലേന്ത്യ സമ്മേളനത്തിന് കോഴിക്കോട് മെഡിക്കൽ കോളജ് ക്യാമ്പസ് ഹയർ സെക്കൻഡറി സ്‌കൂളാണ് അവധി നൽകിയത്. ഏഴ് എസ്എഫ്ഐ പ്രവർത്തകരെത്തി പഠിപ്പ് മുടക്ക് സമരമുണ്ടെന്ന് കാണിച്ച് നോട്ടിസ് നൽകിയാണ് കുട്ടികളെ കൊണ്ടുപോയതെന്ന് പ്രധാന അധ്യാപകനായ ടി.സുനിൽ പറഞ്ഞിരുന്നു. എസ്എഫ്ഐക്കാർ ആവശ്യപ്പെട്ടതുകൊണ്ടാണ് വിട്ടതെന്നും പൊലീസിനെ വിളിച്ചാലും സഹായിക്കില്ലെന്ന ബോധ്യത്തിലാണ് അങ്ങനെ ചെയ്തതെന്നും  ടി.സുനിൽ പിന്നീട് മാധ്യമങ്ങളോട് പറഞ്ഞിരുന്നു.

ALSO READ: വിമാനം റദ്ദാക്കി, ഒരു കുടുംബത്തിന്റെ യാത്ര പലദിവസങ്ങളിലാക്കി റീ ഷെഡ്യൂൾ ചെയ്തു, അമേരിക്കയിൽ ലഗ്ഗേജ് ഇല്ലാതെ ഒറ്റപ്പെട്ട് വയോധിക, എയർ ഇന്ത്യ സമ്മാനിച്ചത് ദുരിത യാത്ര

പ്രവർത്തകർ സ്കൂളിലെത്തി കത്തു നൽകിയെങ്കിലും സ്കൂൾ വിടാൻ കഴിയില്ലെന്ന് അറിയിച്ചിരുന്നതായും സമ്മർദം ശക്തമായതോടെ മറ്റു വഴിയില്ലാതെയാണ് വിദ്യാർഥികളെ വിട്ടതെന്നും പ്രധാനാധ്യാപകൻ പറഞ്ഞിരുന്നു. വിദ്യാർഥികൾക്ക് അവധി നൽകി എസ്എഫ്ഐ പരിപാടിയിൽ പങ്കെടുപ്പിച്ചതിൽ കെഎസ്‍യു പ്രതിഷേധവുമായി എത്തിയിരുന്നു. കെഎസ്‌യു പ്രതിഷേധ പ്രകടനം നടത്തിയതിനെ തുടർന്നാണ് ജില്ലാ വിദ്യാഭ്യാസ ഓഫിസിൽ നിന്ന് സംഭവത്തിൽ റിപ്പോർട്ട് തേടിയത്.

In the controversy surrounding the leave granted for the SFI All India Conference, the District Education Officer’s (DEO) report has come out support the school and the headmaster. The report pertains to the Medical College Campus High School in Kozhikode, where the City Assistant Educational Officer (AEO), under the DEO, submitted a report supporting the SFI’s claims.