തിരുവനന്തപുരം: സംസ്ഥാനത്തുണ്ടായ പ്രളയ കെടുതിയില്‍ ആശ്വാസം എത്തിക്കുന്നതിന് മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരള സംസ്ഥാന വഖഫ് ബോര്‍ഡ് 25 ലക്ഷം രൂപ നല്‍കി. വഖ്ഫ് സ്ഥാപനങ്ങളില്‍ നിന്നും ബോര്‍ഡ് സ്വരൂപിച്ച 10 ലക്ഷം രൂപയും വഖ്ഫ് ഫണ്ടില്‍ നിന്നുമുളള 15 ലക്ഷം രൂപയും ഉള്‍പ്പെടെയുളള തുക സംസ്ഥാന വഖ്ഫ് ഫണ്ടില്‍ നിന്നുമുളള 15 ലക്ഷം രൂപയും ഉള്‍പ്പെടെയുളള തുക സംസ്ഥാന വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ഷിഹാബ് തങ്ങള്‍ മുഖ്യമന്ത്രി പിണറായി വിജയന് നേരിട്ട് നല്‍കി. വഖ്ഫ്കാര്യ മന്ത്രി ഡോ. കെടി. ജലീല്‍ തദവസരത്തില്‍ സന്നിഹിതനായിരുന്നു. ബോര്‍ഡ് അംഗങ്ങളായ വികെ. ഇബ്രാഹിംകുഞ്ഞ് എം.എല്‍.എ, എം.സി മായിന്‍ഹാജി, അഡ്വ. പി.വി. സൈനുദ്ദീന്‍, അഡ്വ. എം. ഷറഫുദ്ദീന്‍ അഡ്വ. ഫാത്തിമ റോസ്‌ന, സോണല്‍ വഖ്ഫ് ഓഫിസര്‍ ടി.എ സുലൈമാന്‍, തിരുവനന്തപുരം ഡിവിഷണല്‍ ഓഫിസര്‍ എ. ഹബീബ് സംബന്ധിച്ചു.