വടകര: വടകര ബിവറേജസ് കോര്‍പറേഷന്‍ ഷോപ്പുകള്‍ക്ക് മുന്നില്‍ കനത്ത ക്യൂ. നിരോധനാജ്ഞ ലംഘിച്ചാണ് ഇവിടെ ആളുകള്‍ മദ്യം വാങ്ങാന്‍ എത്തിയത്. ഉപഭോക്താക്കളെ പൊലിസ് എത്തി ലാത്തി വീശി ഓടിച്ചു.

കൊവിഡ് വ്യാപനത്തിന്റെ പശ്ചാത്തലത്തില്‍ കോഴിക്കോട് ജില്ലയില്‍ കര്‍ശന നിയന്ത്രണമാണ് ഏര്‍പ്പെടുത്തിയിരിക്കുന്നത്. ഒരു ഷോപ്പില്‍ അഞ്ചിലധികം പേര്‍ കൂടി നില്‍ക്കരുതെന്ന് കളക്ടറുടെ നിര്‍ദ്ദേശമുണ്ട്. ഇത് ലംഘിച്ചാണ് മദ്യശാലകള്‍ക്ക് മുന്നില്‍ ആളുകള്‍ ക്യൂ നിന്നത്.