കൊച്ചി: കൊച്ചി മറൈന്‍ ഡ്രൈവില്‍ ശിവസേനക്കാരുടെ സദാചാര ഗുണ്ടായിസത്തില്‍ പ്രതിഷേധിച്ച് വിവിധ സംഘടനകള്‍ പ്രതിഷേധ സമരം നടത്തി. ഡി.വൈ.എഫ്.ഐ,കെ.എസ്.യു,യൂത്ത് കോണ്‍ഗ്രസ്,എസ്.എഫ്.ഐ തുടങ്ങിയവരുടെ നേതൃത്വത്തിലാണ് മറൈന്‍ ഡ്രൈവില്‍ പ്രതിഷേധം അരങ്ങേറിയത്. ഡി.വൈ.എഫ്.ഐ നടത്തിയ പ്രതിഷേധ സമരം പി രാജീവ് എം.പി ഉദ്ഘാടനം ചെയ്തു. നിരവധി യുവതീ യുവാക്കള്‍ സമരത്തില്‍ പങ്കെടുത്തു.

അതേസമയം, ശിവസേനയുടെ ഗുണ്ടായിസത്തില്‍ പ്രതിഷേധിച്ച് ഇന്ന് വൈകീട്ട് മറൈന്‍ ഡ്രൈവില്‍ ചുംബന സമരം നടക്കുന്നുണ്ടെന്ന വിവരത്തെത്തുടര്‍ന്ന് കൊച്ചിയിലും മറൈന്‍ ഡ്രൈവിലും ശക്തമായ പൊലിസ് സുരക്ഷ ഏര്‍പ്പെടുത്തി. ക്രമസമാധാന പ്രശ്‌നം ചൂണ്ടിക്കാണിച്ച് ചുംബന സമരത്തിന് പൊലിസ് അനുമതി നല്‍കിയിട്ടില്ല.