റിയാദ്: ഹൈദരാബാദില്‍നിന്നും ഉംറക്കെത്തിയ സംഘത്തിലെ വനിതയെ സഊദി പൊലിസ് പിടികൂടിയതായി റിപ്പോര്‍ട്ട്.
ജിദ്ദയില്‍ വിമാനമിറങ്ങിയ ഇവരെ എമിഗ്രേഷനില്‍ വച്ചാണ് പിടികൂടിയത്. തുടര്‍ന്ന് കുടുംബം കേന്ദ്ര വിദേശ കാര്യമന്ത്രി സുഷമ സ്വരാജിനോട് സഹായം ആവശ്യപ്പെട്ടു.
ഹൈദരാബാദില്‍ നിന്നെത്തിയ നസ്‌റീന്‍ ബീഗം എന്ന യുവതിയാണ് അറസ്റ്റിലായത്. യുവതിയെ ദമാമിലെ ജയിലിലേക്ക് മാറ്റി. എന്നാല്‍ അറസ്റ്റിന്റെ കാരണം എന്താണെന്ന് അധികൃതര്‍ വ്യക്തമാക്കിയിട്ടില്ലെന്ന് ബന്ധുക്കള്‍ പറയുന്നു.