നെടുമ്പാശേരി: വിമാനത്താവളത്തില്‍ കൊവിഡ് പരിശോധനയ്ക്ക് വിസമ്മതിച്ച യാത്രക്കാരന്‍ അറസ്റ്റില്‍. ചെന്നൈയില്‍ നിന്ന് നെടുമ്പാശേരിയിലെത്തിയ കൊച്ചി സ്വദേശിയായ ലാമി അറയ്ക്കല്‍ (54) ആണ് അറസ്റ്റിലായത്.
ഇന്നലെ പുലര്‍ച്ചെയാണ് ഇയാള്‍ നേടുമ്പാശേരിയിലെത്തിയത്. മാസ്‌ക് ധരിക്കാന്‍ വിമാനത്താവളത്തിലുണ്ടായിരുന്ന ആരോഗ്യപ്രവര്‍ത്തകര്‍ നിര്‍ദേശിച്ചപ്പോള്‍ തനിക്ക് കൊവിഡ് ഇല്ലെന്നുപറഞ്ഞ് മാസ്‌ക് വലിച്ചെറിഞ്ഞ് പുറത്തേക്കുപോകാന്‍ ശ്രമിക്കുകയായിരുന്നു.
മറ്റ് പരിശോധനകള്‍ക്കും ഇയാള്‍ തയാറായില്ല. ആരോഗ്യവകുപ്പ് ഉദ്യോഗസ്ഥരെ സഹായിക്കാന്‍ ആഭ്യന്തര ടെര്‍മിനലില്‍ നിലയുറപ്പിച്ചിരുന്ന പൊലിസുകാര്‍ ഇയാളെ പിടികൂടി നെടുമ്പാശേരി പൊലിസിന് കൈമാറുകയായിരുന്നു.