ചേരമ്പാടി: ചേരമ്പാടി-ചേരങ്കോട് ടാന്‍ടീ എസ്റ്റേറ്റിലെ തൊഴിലാളികളെ അവധി ദിവസങ്ങളില്‍ പോലും ജോലിയെടുപ്പിക്കുന്നതായി പരാതി.
രാവിലെ ആറ് മുതല്‍ വൈകുന്നേരം ആറ് വരെയും ജോലിയെടുപ്പിക്കുന്നുണ്ട്. പന്തല്ലൂര്‍ താലൂക്ക് ഓഫിസില്‍ ആര്‍.ഡി.ഒ രാജ്കുമാറിന്റെ നേതൃത്വത്തില്‍ ടാന്‍ടീ തൊഴിലാളികളുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്യുന്നതിന് വേണ്ടി വിളിച്ചു ചേര്‍ത്ത യോഗത്തില്‍ രാവിലെ എട്ട് മുതല്‍ വൈകുന്നേരം 5.30വരെ ജോലി സമയം മാറ്റി നിശ്ചയിക്കുകയും അവധി ദിവസങ്ങളിലെ ജോലി ഉപേക്ഷിക്കാന്‍ നിര്‍ദേശിക്കുകയും ചെയ്തിരുന്നു.  എന്നാല്‍ ഇതെല്ലാം മറികടന്നാണ് ടാന്‍ടീ അധികാരികള്‍ അവധി ദിവസങ്ങളില്‍ ജോലി ചെയ്യിക്കുന്നതെന്നാണ് പരാതി. ഇതിന് പരിഹാരം കാണണമെന്ന് തൊഴിലാളികള്‍ ആവശ്യപ്പെട്ടു.