കരിപ്പൂര്‍: കരിപ്പൂര്‍ വിമാനത്തവാളത്തില്‍ ചുമട്ടുതൊഴിലാളികളുടെ മിന്നല്‍ പണിമുടക്ക്. തൊഴിലാളികള്‍ക്ക് നല്‍കേണ്ട ശമ്പളം മുടങ്ങിയതാണ് മിന്നല്‍പണിമുടക്ക് നടത്താന്‍ കാരണം. സംഭവത്തെ തുടര്‍ന്ന് വിമാനഗതാഗതം പൂര്‍ണമായും സ്തംഭിച്ചു. വിമാനങ്ങളില്‍ നിന്ന് അകത്തക്കും പുറത്തേക്കുമുള്ള ചരക്ക് നീക്കവും നിലച്ചു.

പണിമുടക്കിനെ തുടര്‍ന്ന് ലഗേജുകള്‍ കിട്ടാത്ത ആയിരത്തിലധികം യാത്രക്കാര്‍ കസ്റ്റംസ് ഓഫിസിനു മുമ്പില്‍ പ്രതിഷേധിച്ചു. സംഭവത്തില്‍ ഉടന്‍തന്നെ തൊഴിലാളികളുമായി ചര്‍ച്ച നടത്തി പ്രശ്‌നപരിഹാരം കാണുമെന്നും വിമാനത്താവള അധികൃതര്‍ അറിയിച്ചു.